türkiye - sudan qoshma soda – sanaetchiler kéngishi qurush qarar qilindi
türkiyelik we sudanliq soda – sanaetchiler, ikki dölet arisida «qoshma soda – sanaetchiler kéngishi» qurush toghrisida kélishti.
türkiye awazi radiyosi xewiri: sudan emgek bilen teminligüchiler konfédératsiyesi bashliqi suud elberir, jumhur reis rejep tayyip erdoghanning ziyariti dairiside paytext xartumda ötküzülgen sudan – türkiye soda – sanaetchiler munbiride söz qilip, «türkiye, her ikki döletke paydiliq shekilde munasiwet ornitish nuqtisidin üstün orungha qoyushqa erziydighan ewzelliklerge ige» dédi.
berir ikki dölet arisida qoshma soda – sanaetchiler kéngishining qurulushi üchün sudan we türkiye soda – sanaetchilirining birdeklik hasil qilghanliqini qeyt qildi.
türkiye éksport kirédit bankisi (türk égzimbank)ni, terepler birdeklik hasil qilidighan bankilar arqiliq sudan xususiy igilikidiki saheler bilen hemkarlishishqa chaqirghan berir, sudandiki xususiylar igilikidiki sahelerning ikki döletni siyasiy organlirining qollap – quwwetlishi sayisida tériqchiliq, sanaet we kanchiliq saheliridiki istratégiyelik ehmiyetke ige qurulushlarni royapqa chiqirishini kütüwatqanliqini sözlirige ilawe qildi.
jumhur reis erdoghanning türkiye xususiy igilikidiki sahelerge alahide köngül bölüwatqanliqini, shu wejidin türkiyediki keng kölemlik iqtisadiy tereqqiyatqa rehberlik qilghanliqini bildürgen berir, «jumhur reis erdoghan tarixning yönilishini özgertip, türkiyeni dunyadiki siyasiy we iqtisadiy hayatqa qayturup keldi. türkiyeni yetküzgen iqtisadiy körsetküchlerdin halqip kétish mumkin» dédi.
مۇناسىۋەتلىك خەۋەرلەر
shimshek: yershari meblegh salghuchiliri türkiyening iqtisadiy pilanigha ishinidu
ministir mehmet shimshek amérika qoshma ishtatliridiki ziyariti heqqide TRT ge bayanat berdi.