پەمىدۇر رۇسىيەگە دېكابىردىن باشلاپئېكسپورت قىلىنىدۇ

تۈركىيە ئاۋازى رادىيوسى خەۋىرى: رۇسىيە ۋە تۈركىيە ھۆكۈمەتلەرئارا كومىتېتىنىڭ تەڭ ھوقۇقلۇق رەئىسى، رۇسىيە ئېنېرگىيە ئىشلىرى مىنىستىرى ئالېكساندىر نوۋاك تۆت تۈرك شىركىتىگە رۇسىيەگە پەمىدۇر ئېكسپورت قىلىش رۇخسىتى بېرىلگەنلىكىنى ۋە دېكابىردىن باشلاپ تۈركىيەدىن رۇسىيەگە پەمىدۇر ئېكسپورت قىلىنىشقا باشلىنىدىغانلىقىنى ئېيتتى.

نوۋاك يەنە رۇسىيە ۋە تۈركىيە مەسئۇللىرىنىڭ 21-ئۆكتەبىردە ھۆكۈمەتلەرئارا بىرلەشمە يىغىنىدا رۇسىيەدىن تۈركىيەگە توخۇ، قوي ۋە كالا گۆشلىرى ئېكسپورت قىلىش مەسىلىسىنى مۇزاكىرە قىلىدىغانلىقلىرىنىمۇ سۆزلىرىگە ئىلاۋە قىلدى.