yawropa ittipaqi Facebook qa 110 milyon yawro iqtisadiy jaza yürgüzdi

türkiye awazi radiyosi xewiri: Facebook 2014 - yili WhatsApp  pirogrammisini texminen 22 milyard dollargha sétiwalghan, WhatsApp  pirogrammisini sétiwalghan chaghda, yawropa ittipaqi tertipke sélish orginigha xususiy uchurlarni yighmaydighanliqi, bu uchurlarni ikki shirket otturisida ortaqlashmaydighanliqi we ezalirining hésablirini birleshtürmeydighanliqi toghruluq wede bergenidi, biraq WhatsApp  shirkiti awghust éyida belgilimilirige tüzitish kirgüzüp, ezalirining téléfon nomurliri, Profil isimlirigha oxshighan her xil uchurlirini bash shirket Facebook bilen ortaqlishishqa bashlighanidi.

yawropa ittipaqi komitéti aldinqi aylarda Facebook qa  2014 – yilqi birlishish basquchida bergen melumatlirining del eksiche ish qilghanliqini, buning yawropa ittipaqining qanun – belgilimilirige xilap ikenlikini bildürüp, Facebook ni eyibligenidi, shunga, komitét Facebook shirkitining komitétqa bergen jawabliri we izahatlirini yétersiz dep qarap, shirketke  110 milyon yawro iqtisadiy jaza yürgüzdi.

igilinishiche, yawropa ittipaqi komitétining yawropada paaliyet élip bériwatqan chong tiptiki shirketlerning birlishishi yaki sétiwélish ishlirini nazaret qilish we közitish, tekshürüshtin kéyin shirketlerning riqabetke xilapliq qilghan yaki qilmighanliqi heqqide qarar chiqirish hoquqi bar iken.