xitayning qoral ékisport sodisi %74 ashti

türkiye awazi radiyosi xewiri: xitay qoral ékisport sodisi yéqini 5 yilda %74 yuqiri örlidi.

sitokholim tinchliq tetqiqat instétuti élan qilghan xelqaraliq qoral tijariti doklatida, xitayning 2012 – yilidin 2016 – yilighiche bolghan jeryandiki qoral ékisport soda nisbitining shuningdin ilgiriki 5 yilgha sélishturghanda %74 yuqiri örligenliki bildürüldi.

doklatta xitayning xelqara qoral soda bazirida %3.8 hessige ige ikenliki, bu qétimqi örlesh bilen xitayning xelqara qoral soda bazirida %6.2 hessige ige bolup, rusiye we amérikidin qalsila dunyada eng köp qaral sétiwatqan 3 – döletke aylanghanliqi qeyt qilindi.

xitayning omumiy qoral ékisportining %60 i pakistan, bangladish we birma qatarliq döletlerge qilinidu. afriqigha sétiwatqan qoralliri omumiy qoral ékisportining %22 ni teshkil qilidu.

doklatta yene, xitayning qoral émport sodisining bolsa, 2012 – yilidin 2016 – yilighiche bolghan mergildin ilgiriki 5 yilgha sélishturghanda %11 töwenligenliki tekitlendi.