«shéhit kapitan chengiz topél aqdéngiz borini-2020» namliq manéwir muweppeqiyetlik élip bérilmaqta
dölet mudapie ministirliqi «shéhit kapitan chengiz topél aqdéngiz borini-2020» namliq manéwirning muweppeqiyetlik élip bériliwatqanliqini élan qildi.
türkiye awazi radiyosi xewiri: dölet mudapie ministirliqining bayanatida, her yili pilanliq shekilde ijra qiliniwatqan «shéhit kapitan chengiz topél aqdéngiz borini» manéwirining türkiye we shimaliy qibris türk jumhuriyitining ishtirak qilishi bilen dawamlshiwatqanliqi bildürüldi.
bayanatta, shimaliy qibris türk jumhuriyitide élip bérilghan manéwirning 2020 - yili 9 - ayning 10-künigiche dawamlishidighanliqi we bu manéwirda qibris - türkiye tinchliq armiyesi qomandanliq ishtabi bilen shimaliy qibris türk jumhuriyiti bixeterlik qisimliri qomandanliq ishtabi otturisida öz-ara meshiq, hemkarliq we öz-ara maslishishni tereqqiy qildurush meqset qilinghanliqi tekitlendi.
bayanatta, türkiyedin kelgen hawa, déngiz we qurughluq hawa armiye qisimliriningmu qatnishishi bilen hujum, urush we izdep qutquzush heriketliri emeliy meshqi élip bérilghanliqi, shuning bilen birge yene, etret wezipe manéwiri sheklide birleshme, ortaq we emeliy mesiqlerningmu ijra qilinghanliqi uqturuldi.
türkiyeming yerlik imkaniyetlirigila tayinip yasap chiqqan qoral sistémisi we oq-doriliri ishlitilgen manéwirning pilanlanghandek muweppeqiyetlik dawamlashqanliqi heqqide melumat bérildi.
