erdoghan ruméniye bash ministiri séolaku bilen qoshma muxbirlarni kütüwélish yighini ötküzdi
jumhur reis rejep tayyip erdoghan ruméniyede yashaydighan türkler we türk-tatar ahalisini ikki dölet otturisidiki «dostluq köwrüki» dep qaraydighanliqini éytti.
2142637
türkiye awazi radiyosi xewiri: jumhur reis erdoghan paytext enqerede resmiy ziyarette bolghan ruméniye bash ministiri siolaku bilen qoshma muxbirlarni kütüwélish yighini ötküzdi.
erdoghan ruméniye bilen bolghan ikki tereplik soda sommisining uda ikki yil 10 milyard dollar sewiyesidin éship ketkenlikini, nöwettiki nishanning buni 15 milyard dollargha yetküzüsh ikenlikini otturigha qoydi.
ruméniye bilen hem ikki tereplik hemde shimaliy atlantik ehdi teshkilati — nato bayriqi astida ortaq paaliyetlerni élip bérish arqiliq, rayonning bixeterliki we muqimliqigha töhpe qoshqanliqlirigha isharet qilghan erdoghan: «biz p k k we fetö qatarliq térrorluq teshkilatlirigha qarshi küreshte ruméniyedin némilerni kütüdighanliqimizni hörmetlik bash ministir bilen ortaqlashtuq» dédi.
türkiyening ruméniyede yashaydighan türkler we türk-tatar ahalisini ikki dölet otturisidiki «dostluq köwrüki» dep qaraydighanliqini bayan qilghan erdoghan: «biz qérindashlirimizning ruméniye jemiyiti bilen inaq yashighanliqidin xushalmiz. bir buninggha purset yaritip bergen ruméniye dairilirige rehmet éytimiz. bu munasiwet bilen, bizning ruméniye puqralirining kimlikliri bilenla dölitimizni sayahet qilishini kapaletke ige qilghan belgilimini yolgha qoyghanliqimizni amma bilen ortaqlashmaqchimen. biz bu arqiliq kishilik munasiwetlirimizning küchiyidighanliqigha ishinimiz» dégenlerni qeyt qildi.
ruméniye bash ministiri marsél siolaku muxbirlarni kütüwélish yighinida söz qilip: «biz shuni déyeleymizki, türkiye bizning yawropa ittipaqi sirtidiki asasliq iqtisadiy shérikimiz, natodiki eng muhim ittipaqdashlirimizning biri, rayondiki istratégiyelik ehmiyetke ige shérikimiz, yaxshi qoshnimiz we bir dostimiz» dédi.
bu jeryanda, erdoghan bilen méhman bash ministir muxbirlarni kütüwélish yighinidin ilgiri ayrim uchrishish ötküzgen we türkiye-ruméniye yuqiri derijilik istratégiyelik hemkarliq kéngishining birinchi nöwetlik yighinigha qatnashti. arqidin ikki dölet otturisida jumhur reis erdoghan bilen ruméniye bash ministiri siolakuning huzurida 6 türlük kélishim imzalandi.
مۇناسىۋەتلىك خەۋەرلەر
türkiye ezerbeyjanning kélechiki üchün hemnepes bolmaqta
türkiye dost we qérindash dölet ezerbeyjanningmu kélechiki üchün hemnepes bolmaqta.
iraqning shimalida 3 térrorchi bir terep qilindi
iraqning shimalida bölgünchi térrorluq teshkilati p k k ezasi 3 térrorchi bir terep qilindi.
