türkiye bir qisim yawropa döletlirining pelestinni étirap qilish qararidin söyüngenlikini bildürdi

türkiye awazi radiyosi xewiri: türkiye jumhuriyiti tashqi ishlar ministirliqi yawropadiki bir qisim döletlerning pelestin dölitini étirap qilidighanliqi toghrisidiki bayanatliri heqqide yazma bayanat élan qilip: «biz ispaniye, irélandiye we norwégiyening pelestin dölitini étirap qilidighanliqi toghrisidiki bayanatliridin intayin xushalmiz. pelestinni étirap qilish xelqara qanun, adalet we wijdanning teqezzasi. ishghaliyet astidiki pelestin xelqining tartiwélinghan heq-hoquqlirining qayturup élinishi, pelestinning xelqara jemiyettiki özige layiq salahiyetke ige bolushi nuqtisidin intayin muhim bir qedem. türkiye bolush süpitimiz bilen, téximu köp döletning pelestinni étirap qilishi üchün, tirishchanliq körsitishni dawamlashturimiz» dégenlerni qeyt qildi.