فىدان تۈرك دۆلەتلىرى پارلامېنت ئەزالىرى ئانسامبىلى يىغىنىدا سۆز قىلدى
دۆلىتىمىز (تۈركىيە جۇمھۇرىيىتى) تاشقى ئىشلار مىنىستىرى خاقان فىدان تۈرك دۇنياسىنىڭ ئىسرائىلىيەنىڭ پەلەستىنگە قاراتقان ھۇجۇملىرىغا قارشى ئورتاق پوزىتسىيە بىلدۈرۈشىنىڭ مۇھىملىقىنى تەكىتلىدى.
2142871
![فىدان تۈرك دۆلەتلىرى پارلامېنت ئەزالىرى ئانسامبىلى يىغىنىدا سۆز قىلدى](http://cdn.trt.net.tr/images/xlarge/rectangle/3489/235d/2bd0/664dbfc389da7.jpg?time=1718746514)
تۈركىيە ئاۋازى رادىيوسى خەۋىرى: مىنىستىر فىدان پايتەخت ئەنقەرەدە چاقىرىلغان تۈرك دۆلەتلىرى پارلامېنت ئەزالىرى ئانسامبىلى دۆلەت مۇداپىئە كومىتېتى رەئىسلىرى يىغىنىنىڭ ئېچىلىشىدا سۆز قىلدى.
پەلەستىننى قوللاشنىڭ ئەھمىيىتىنى تەكىتلىگەن فىدان، غەززەدە كۆپ سانلىقى ئاياللار ۋە بالىلار بولۇپ، ئون مىڭلارچە كىشىنىڭ ئۆلۈمىنى كەلتۈرۈپ چىقارغان ئىسرائىلىيەنىڭ ۋەھشىيلىكىنى ئۈزۈل-كېسىل توختىتىش ئۈچۈن، ئىككى دۆلەتلىك ھەل قىلىش چارەسىنى يولغا قويۇشنىڭ زۆرۈرىيىتىنى ئوتتۇرىغا قويدى ۋە سۆزىنى داۋاملاشتۇرۇپ: «ھازىرقى شارائىتتا، تۈرك دۇنياسىنىڭ ئورتاق پوزىتسىيە بىلدۈرۈپ، خەلقئارا جەمئىيەت بىلەن ئورتاق پوزىتسىيە نامايان قىلىشى، تۈرك دۇنياسىنىڭ بىر ئەخلاقىي كۈچ سۈپىتىدە گەۋدىلىنىشىگە كاپالەتلىك قىلىدۇ. بۇ ئىختىلاپنىڭ كېڭىيىشى ۋە جەمئىيەت خاراكتېرلىك كەسكىنلىشىپ كېتىش خەتىرىنىڭ ئالدىغا ئېلىشقا تۆھپە قوشىدۇ» دېگەنلەرنى قەيت قىلدى.
ئۇ يەنە: «مەن تۈرك دۇنياسىدىكى بارلىق قېرىنداشلىرىمىزنى غەززەدىكى ۋەھشىيلىككە قارشى ئاۋازىنى تېخىمۇ يۇقىرى كۆتۈرۈشكە، بۇ زۇلۇمغا خاتىمە بېرىش ئۈچۈن تېخىمۇ كونكرېت تەدبىرلەرنى قوللىنىشقا چاقىرىمەن» دېگەنلەرنى سۆزلىرىگە ئىلاۋە قىلدى.
مۇناسىۋەتلىك خەۋەرلەر
![تۈركىيە ئەزەربەيجاننىڭ كېلەچىكى ئۈچۈن ھەمنەپەس بولماقتا](http://cdn.trt.net.tr/images/medium/rectangle/6e67/9b77/98a9/66716af7bff4b.jpg?time=1718746514)
تۈركىيە ئەزەربەيجاننىڭ كېلەچىكى ئۈچۈن ھەمنەپەس بولماقتا
تۈركىيە دوست ۋە قېرىنداش دۆلەت ئەزەربەيجاننىڭمۇ كېلەچىكى ئۈچۈن ھەمنەپەس بولماقتا.
![ئىراقنىڭ شىمالىدا 3 تېررورچى بىر تەرەپ قىلىندى](http://cdn.trt.net.tr/images/medium/rectangle/e0cb/10b5/a712/66713b2bde92e.jpg?time=1718746514)
ئىراقنىڭ شىمالىدا 3 تېررورچى بىر تەرەپ قىلىندى
ئىراقنىڭ شىمالىدا بۆلگۈنچى تېررورلۇق تەشكىلاتى پ ك ك ئەزاسى 3 تېررورچى بىر تەرەپ قىلىندى.