muawin jumhur reis jewdet yilmaz bilen fahrettin altunmu irangha teziye bildürdi
iranning 8 - nöwetlik pirézidénti ibrahim reisi we tashqi ishlar ministiri hüseyin emir abdullahiyanning tik uchar weqeside qaza qilghanliqi munasiwiti bilen, türkiyedin irangha teziye uchurliri yollanmaqta.
türkiye awazi radiyosi xewiri: muawin jumhur reis jewdet yilmaz ijtimaiy alaqe adrésida iran üchün élan qilghan teziyenamisida: «tik uchar chüshüp kétish weqeside qaza qilghan iran pirézidénti ibrahim reisi, iran tashqi ishlar ministiri hüseyin emir abdullahiyan we ularning hemrahliqidiki kishilerge allahtin rehmet tileymiz, ularning aile-tawabiatlirigha, dost we qérindash iran xelqige, shundaqla dölitige teziye bildürimiz. makanliri jennet bolsun» dédi.
jumhur reislik mehkimisi uchur-alaqe idarisi bashliqi fahrettin altunmu hembehrligen uchurida, ibrahim reisi we hüseyin emir abdullahiyan bashchiliqidiki heyetning tik uchar chüshüp kétish weqeside qaza qilghanliqi munasiwiti bilen ularning aile-tawabiatlirigha, dost we qérindash iran xelqige teziye bildürdi.