türkiye bilen kuweyt otturisida alte türlük kélishim imzalandi

türkiye awazi radiyosi xewiri: türkiye jumhuriyiti jumhur reislik mehkimiside türkiyede dölet ishliri ziyaritide boluwatqan kuweyt emirige «dölet sherep ordéni» teqdim qilish murasimi ötküzüldi؛ murasimda aldi bilen ikki döletning dölet shéiri oqup ötüldi, andin jumhur reis erdoghan kuweyt emiri meshel elehmed eljabir essabahqa türkiye jumhuriyiti sherep ordéni teqdim qildi.

jumhur reis erdoghan bilen emir essabahning jumhur reislik mehkimisidiki ayrim we heyetler ara uchrishishlirida, ikki döletning iqtisadiy shundaqla soda munasiwetliri tepsiliy muzakire qilindi.

yighin jeryanida yene, ikki döletning diplomatiye, sehiye, medeniyet, sayahet we maarip qatarliq sahelerdiki hemkarliqliri muhakime qilindi.

jumhur reis erdoghan türkiyening kuweytning igilik hoquqi, zémin pütünlüki we bixeterlikini qollaydighanliqini؛ kuweyt bilen her derijilik alaqining izchil dawam qilidighanliqini tekitlidi.

söhbet küntertipide, israiliyening ghezzediki bigunah pelestinliklerge qaratqan hujumlirimu orun aldi.

shuning bilen bir waqitta, jumhur reis erdoghan bilen kuweyt emiri essabah ishtirak qilghan murasimida, ikki dölet otturisida 6 kélishim imzalandi.