türkiyening ghezzege yollighan 11 - yaxshiliq paraxoti tünügün yolgha chiqti
türkiye qizilay jemiyitining bashchiliqida teyyarlanghan we ghezzege yetküzülmekchi bolghan 5 ming 66 tonna insanperwerlik yardimi bésilghan 11 - yaxshiliq paraxoti tünügün (5-may) mersin xelqara portidin yolgha chiqti.
2135766
türkiye awazi radiyosi xewiri: israiliyening wehshiyane hujumliri astida turuwatqan ghezze rayonida pelestin xelqi bilen hemkarlishishni meqset qilip, teyyarlanghan yémeklik, bowaqlar buyumliri, uxlash xaltisi we bashqa éhtiyajliq buyumlardin terkib tapqan 5 ming 66 tonna insanperwerlik yardimi qachilanghan paraxot tünügün yolgha chiqti.
paraxot texminen ikki kün dawamlishishi pilanlanghan déngiz sepiridin kéyin, ghezzege eng yéqin rayon bolghan misirning el-arish portigha yétip baridu.
el-arish portida paraxottin chüshürülidighan insanperwerlik yardemliri yük aptomobilliri bilen refah chégra éghizigha toshulidu.
tamozhna resmiyetliridin kéyin, yardemler pelestin qizilay jemiyitige tapshurulup, ghezzediki éhtiyajliq kishilerge yetküzülidu.
