erdoghan: biz jughrapiyemizde toqunush, qan we köz yashlirini körüshni xalimaymiz

türkiye awazi radiyosi xewiri: jumhur reis erdoghan istanbul dolmabahchediki ishxanisida musteqil soda-sanaetchiler we karxanichilar jemiyiti rehberlik heyitini qobul qildi.

erdoghan heyet bilen ötküzgen söhbiti jeryanida, israiliyening ghezzege qaratqan hujumliri heqqide toxtilip: türkiyening ghezzege 50 ming tonnigha yéqin insanperwerlik yardimi ewetip, dunyada birinchi qatardin orun alghanliqini bildürdi.

jumhur reis erdoghan israiliyeni urush toxtitish we ötüshige yol qoyuwatqan insanperwerlik yardem eshyalirining miqdarini ashurushigha mejburlash üchün, bir qisim soda tedbirlirini yolgha qoyghanliqlirini, bu dairide israiliyege mehsulat éksport qilish we israiliyedin mehsulat import qilishni toxtatqanliqlirini bildürüp: «men shuning bilinishini ümid qilimenki, biz rayonimizdiki her qandaq bir dölet bilen düshmenlishish yaki toqunushning kuyida emesmiz. her pursette otturigha qoyup kéliwatqinimdek, biz jughrapiyimizde toqunush, qan we köz yashlirini körüshni xalimaymiz... bizning bu yerde peqet birla nishanimiz bar, u bolsimu, gherbning shertsiz eskiriy we diplomatik yardimi bilen kontroldin chiqip ketken (israiliye bash ministiri bényamin) nétanyahu hökümitini urush toxtitish élan qilishqa mejburlash. eger urush toxtitish élan qilinip, ghezzege yéterlik miqdarda insanperwerlik yardimining kirishige ruxset qilinsa, meqset hasil bolghan bolidu. türkiyening bu herikiti weziyettin biaramliq hés qiliwatqan bashqa döletlergimu ülge bolidu» dédi.