bügün t r t ning 60 yashqa kirgen küni
yérim esirdin artuq waqittin béri untulmas pirogrammilar, t r t ékranlirida körürmenler bilen yüz körüshmekte.
türkiye awazi radiyosi xewiri: t r t oxshimighan tillarda anglitish béridighan radiyo dolqunliri we téléwiziye qanalliri bilen, türkiyening awazini dunyagha yetküzmekte.
türkiyede radiyo anglitishliri 1927-yili 6-may bashlandi. téléwiziye pirogrammiliri 1968-yili 31-yanwar mithatpasha studiyosida tunji qétimliq sinaq tarqitish bilen bashlandi. türkiye radiyo-téléwiziye idarisi (t r t) ning uli 1964-yili 1-may buninggha munasiwetlik chiqirilghan qanun bilen qoyuldi.
her dewrde özini yéngilighan we kespiy saheside bashlamchiliq rolini oynap kelgen t r t, türkiyening körüsh we anglash xatire ambirigha aylandi.
t r t 41 til we shiwilerde radiyo pirogrammiliri tarqatqandin bashqa, t r t némische, t r t rusche, t r t firansuzche, t r t balqan tilliri, t r t afriqa tilliri we t r t ispanche dijital xewer munberliri bilenmu xelqaradiki özgirishlerni dunya jamaetchilikige yetküzmekte.
bügün t r t radiyo dolqunliri we téléwiziye qanalliridin teshkillengen xelqaraliq taratqular ailisi bilen birlikte yette qitege her xil pirogrammilarni tarqatmaqta.
60 yilliq tejribe bilen toghra we biterep ammiwi axbaratchiliqning birdinbir adrési t r t, dawamliq türkiye xelqining awazi bolidu.
t r t bügün (2024-yili 1-may) 60 yashqa kirgen tughulghan künini neq meydandin tarqitilidighan alahide murasim we paaliyetler bilen tebrikleydu.
