türkiye awiatsiye shirkiti irangha qatnaydighan nöwetchi ayropilanlirini emeldin qaldurdi
türkiye awiatsiye shirkiti we pégasus awiatsiye shirkiti iran bilen israiliye otturisidiki jiddiychilik we qoshna döletlerning hawa sahesini taqishi sewebidin iran, iyordaniye, iraq we liwangha uchidighan nöwetchi ayropilanlirini emeldin qaldurdi.
türkiye awazi radiyosi xewiri: iranning israiliyege qilghan hujumidin kéyin, liwan, iran, iraq we iordaniye tünügün kechte hawa sahesini taqidi.
türkiye awiatsiye shirkiti we pégasus awiatsiye shirkiti hawa sahesini taqighan döletlerge tünügün kechte we bügün üchushi pilanlanghan nöwetchi ayropilanlarni öz-ara emeldin qaldurghanliqini élan qildi. rayongha qarap uchuwatqan ayropilanlarmu istanbulgha qayturup kélindi.
türkiye awiatsiye shirkiti tünügün kechtiki istanbul-téhran, istanbul-isfahan, istanbul-shiraz, istanbul-meshhed nöwetchi ayropilanlirining yolni özgertip, istanbulgha qayturup kelgenlikini bildürdi.
türkiye awiatsiye shirkitining kualalumpur-istanbul ayropilanimu dubeyge yüzlendürüldi.
<Ajet> we pégasus awiatsiye shirkitining istanbul sabiha gökchen ayrodromidin yolgha chiqidighan shundaqla iran we iraqqa uchidighan ayropilanliri emeldin qalduruldi hemde bu döletlerge qarap yolgha chiqqan ayropilanlar erzurum, diyarbakir, elazigh we etraptiki ayrodromlargha yüzlendürüldi.
bu ariliqta, iraq, iyordaniye we liwan iranning israiliyege qilghan hujumi sewebidin tünügün kechte taqalghan hawa sahesini qaytidin achti.
israiliyemu uchquchisiz ayropilanlar hujumi sewebidin 7 saet taqalghan hawa sahesining ammiwiy awiyatsiye üchün qaytidin échilghanliqini élan qildi.
