b d t israiliyening t r t etritige qilghan hujumini tekshürüshni telep qildi
birleshken döletler teshkilati israiliyening t r t etritige qilghan hujumining ghezzede muxbirlar duch kéliwatqan xeterlerni éniq körsitip bergenlikini we bu weqeni ochuq we ishenchlik halda tekshürüsh kéreklikini telep qildi.
türkiye awazi radiyosi xewiri: b d t bayanatchisi stéfan dujarik israiliyening t r t etriti qatarliq muxbirlargha qilghan hujumi toghrisida yazma bayanat élan qildi.
dujarik ularning bu weqe toghrisida téxi tepsiliy uchurgha ige emeslikini tilgha élip: «bu weqe ghezzede muxbirlar duch kéliwatqan xeterlerni éniq körsitip bermekte» dédi.
dujarik yene mundaq dédi: «bumu bashqa hadisilerge oxshash choqum ochuq we ishenchlik usulda tekshürülüshi kérek»
dujarik ghezzede t r t gha ishleydighan zhurnalistlar duch kelgendek pelestin, sudan we bashqa nurghun jaylarda zhurnalistlarning qiyinchiliqqa duch kéliwatqanliqini eskertip: «dunyaning hemmila yéride zhurnalistlar xizmitini bixeter ishleshke tirishmaqta» dédi.
israiliye qisimliri nusayrat panahlanghuchilar lagérigha qilghan hujumida, rayondiki özgirishlerni közitiwatqan t r t erebche qanili etritinimu öz ichige alghan bir türküm zhurnalistlarni nuqtiliq hujum nishani qilghan idi.
hujum jeryanida t r t erebche qanili etritidin opérator sami muhemmed shahede, <CNN> qanilidin muhemmed hesen essalihi we ixtiyari muxbir ehmed bekir el luh israiliye qisimlirining hujum nishani bolghan we yarilanghan idi.