erdoghan: israiliye ghezzede ikkinchi dunya urushidinmu wehshi irqiy qirghinchiliq qildi

türkiye awazi radiyosi xewiri: jumhur reis rejep tayyip erdoghan israiliyening ghezzede ikkinchi dunya urushidiki mezgillerdin téximu wehshi irqiy qirghinchiliq élip barghanliqini éytti.

erdoghan süriye, iraq, sudan we yéqinda ghezzede yüz bergen weqelerning mubarek ramizan künlirining xushalliq ichide ötküzülishige tosqunuq qilghanliqini bildürdi.

erdoghan insaniyliqtin nesibini almighan térror döliti israiliyening 17-öktebirdin buyan kichik bala, ayallar, yashanghanlar we puqralar dep olturmastin, qebih bir shekilde irqiy qirghinchiliq qilghanliqini tekitlep, «israiliye ghezzede ikkinchi dunya urushidikidin téximu wehshi irqiy qirghinchiliq élip barmaqta. hetta urushtimu tégishke bolmaydighan doxturxana, saqliqni saqlash xadimliri we ibadetxanilar ishghaliyetchi küchler teripidin mexsus  hujum nishani qilinghanliqini körmektimiz. xelqara organlar we teshkilatlar, bolupmu birleshken döletler teshkilati addiy inkaslarni qayturush bilenla bolup, israiliye hökümitining bu wehshiylikini tamashsha qilip olturmaqta. israiliye we uning gherblik qollighuchilirigha qarshi türkiye we bir qanche döletni hésabqa almighanda, awazini yuqiri kötürgen aktiyorlar yoq déyerlik» dédi.

türkiye bolush süpiti bilen rayondiki dostliri bilen hemkarliship ghezzediki zulumgha uchrighuchilargha yardem bérish we ularning azab-oqubetlirini azraq bolsimu yéniklitishke tirishiwatqanliqini tekitligen erdoghan yene mundaq dédi:

«biz peyghembirimizning hedisige uyghun shekilde, hem qolimiz bilen, hem tilimiz bilen we hem qelbimiz bilen zulumgha qarshi turmaqtimiz, ghezze qérindashlirimizni qollap quwwetlimektimiz» dédi.