ئەردوغان: خەلقئارا جەمئىيەت ئىسرائىلىيەنىڭ قىرغىنچىلىق سىياسىتىگە قارشى ھەرىكەتكە ئۆتۈشى كېرەك

تۈركىيە ئاۋازى رادىيوسى خەۋىرى: جۇمھۇر رەئىس ئەردوغان تۈنۈگۈن ئىستانبۇل سىنان ئەردەم تەنتەربىيە زالىدا ئۆتكۈزۈلگەن 7-نۆۋەتلىك تۈگۋا ياشلار يىغىلىشىدا سۆز قىلىپ: «ئىسرائىلىيەنى جاسارەتلەندۈرۈپ، ئىلھام بېرىۋاتقان ئامېرىكا ۋە ياۋروپا دۆلەتلىرى تارىخ سەھىپىلىرىدىن ئاياللار ۋە بالىلار قاتىللىرىنىڭ ھىمايىچىلىرى سۈپىتىدە ئورۇن ئالدى. نېتانياھۇ باشچىلىقىدىكى ئىسرائىلىيە ھۆكۈمىتى قاتىلدۇر» دېدى.

ئەردوغان سۆزىنى داۋاملاشتۇرۇپ: «پۈتكۈل چوڭ زالىملارغا ئوخشاش زىيونىزم نامىدا بالىلار، ئاياللار قىرغىنچىلىقى قىلغان، ئۆزلىرىنى قوغداش ئىمكانىيىتىدىن مەھرۇم بىچارىلەرگە زۇلۇم قىلغان ئىسرائىلىيە ھۆكۈمىتى قورقۇنچاقتۇر. پەلەستىنلىك قېرىنداشلىرىمىز ئارىسىدا بىرلىكنىڭ كاپالەتكە ئىگە قىلىنىشى ئۈچۈن، بارلىق تەرەپلەر بىلەن كۆرۈشۈۋاتىمىز» دېگەنلەرنى قەيت قىلدى.