«penje – qulup» herbiy herikiti rayonida 3 esker shéhit boldi
iraqning shimalidiki «penje – qulup» herbiy herikiti rayonida bölgünchi térrorluq teshkilati p k k ezasi térrorchilarning hujumida yarilanghan bir esker bilen qoshulup shéhit bolghan eskerlerning sani 3 ke yetti.
türkiye awazi radiyosi xewiri: türkiye dölet mudapie ministirliqi teripidin bu heqte élan qilinghan bayanatta, mundaq déyildi:
«26-noyabir küni <penje – qulup> herbiy herikiti rayonida bölgünchi térrorluq teshkilati p k k ezasi térrorchilarning hujumi netijiside yarilanghandin kéyin doxturxanigha orunlashturulghan qehriman sepdishimiz, piyade esker fewzi qiziltash dawalash ünüm bermey shéhit boldi. bizni qattiq derd – elemge tashlighan bu hadiside hayatidin ayrilghan eziz shéhidimizgha allah taaladin rehmet tileymiz, uning musibetlik ailisige, türkiye armiyesige we eziz türkiye xelqige teziye bildürimiz hem sewr – taqet tileymiz.»
dölet mudapie ministirliqi iraqning shimalidiki «penje – qulup» herbiy herikiti rayonida bölgünchi térrorluq teshkilati p k k ezasi térrorchilarning hujumi netijiside piyade esker, ofitsér nejdet chalish bilen piyade esker emrah günduzning shéhit bolghanliqini, ikki eskerning yarilanghanliqini uqturghanidi.
مۇناسىۋەتلىك خەۋەرلەر
ministir fidan ispaniye bash weziri bilen körüshti
türkiye ghezze üchün qoyuq diplomatik paaliyetlirini dawamlashturmaqta.