87 نەپەر تۈركىيە ۋە شىمالىي قىبرىس پۇقراسى مىسىر ئارقىلىق ئىستانبۇلغا كەلدى

تۈركىيە ئاۋازى رادىيوسى خەۋىرى: «رەفاھ چېگرا ئېغىزى» دىن مىسىرغا ئۆتكەن 27 نەپەر شىمالىي قىبرىس تۈرك جۇمھۇرىيىتى پۇقراسى، 60 نەپەر تۈركىيە پۇقراسى بولۇپ، جەمئىي 87 كىشى ئولتۇرغان تۈركىيە ھاۋا يوللىرى شىركىتىنىڭ ئايروپىلانى، قاھىرەدىن ئىستانبۇل ئايرودۇرۇمىغا قوندى.

ئۇلارنى ئىستانبۇل ئايرودۇرۇمىدا تاشقى ئىشلار مىنىستىرلىقى ۋەكىللىرى بىلەن جىددىي ئەھۋاللارغا تاقابىل تۇرۇش قوماندانلىق مەركىزىنىڭ مەسئۇللىرى قارشى ئالدى.

پاسپورت كونترول قىلىنغاندىن كېيىن، بىر قىسىم پۇقرالار مەخسۇس ئاپتوبۇسلار بىلەن ئايرودۇرۇمدىن ئايرىلدى. شىمالىي قىبرىس تۈرك جۇمھۇرىيىتى پۇقرالىرى بىلەن تۇرالغۇسى باشقا ۋىلايەتلەردىكى كىشىلەر جىددىي ئەھۋاللارغا تاقابىل تۇرۇش قوماندانلىق مەركىزى تەرىپىدىن بېكىتىلگەن مېھمانخانىلارغا ئورۇنلاشتۇرۇلدى.