әрдоған: исраилийә ғәззәдә инсанийәткә қарши җинайәт садир қиливатиду
җумһур рәис рәҗәп таййип әрдоған: «йавропа вә американиң шәртсиз қоллишиға еришкән исраилийә һөкүмити, толуқ 25 күндин буйан пүткүл дунйаниң көзи алдида инсанийәткә қарши җинайәт садир қилмақта» деди.
түркийә авази радийоси хәвири: җумһур рәис әрдоған пайтәхт әнқәрәдә өткүзүлгән кабинет йиғинидин кейин елан қилған байанати җәрйанида, исраилийәниң пәләстингә қаратқан һуҗумлири һәққидә тохтилип: «ғәззәлик қериндашлиримиз 7- өктәбирдин буйан наһайити еғир зулум вә рәһимсизликкә дучар қилинмақта. йавропа вә американиң шәртсиз қоллишиға еришкән исраилийә һөкүмити, толуқ 25 күндин буйан пүткүл дунйаниң көзи алдида инсанийәткә қарши җинайәт садир қилмақта» деди.
рак бимарлирини давалайдиған түркийә- пәләстин достлуқ дохтурханисиниң исраилийәниң вәһшийликиниң әң йеңи қурбани икәнликини тилға алған әрдоған: «биз дөләт әқлини пүтүнләй йоқитип, тәшкилатқа охшаш һәрикәт қиливатқан исраилийәни имканийәтниң йетишичә тез тохтитиш керәкликигә ишинимиз... исраилийәниң биваситә һалда пуқраларға қаратқан һуҗумлири нәтиҗисидә, һазирғичә көпинчиси бовақлар, балилар вә айаллар болуп 8500 пәләстинлик шеһит қилинди. бизниң ғәззәдә садир қилинған уруш җинайәтлири җавабкарлириниң қанун алдида җавабкарлиқини сүрүштүрүш йолидики хизмәтлиримиз давам қилмақта» дегәнләрни қәйт қилди.
түркийәниң тоқунушниң биринчи күнидин башлап оттуриға қойуп келиватқан инсанпәрвәр, адил вә шәрәплик позитсийәсиниң бүгүнму давам қиливатқанлиқиға ишарәт қилған әрдоған: «25- күнини арқида қалдурған бу қирғинчилиқниң алдини елиш, бизниң әң муһим ишимиз. буниң үчүн уруш тохтитишниң капаләткә игә қилиниши, андин мәңгүлүк тинчлиқниң йоли ечилиши керәк. биз барлиқ алақидар тәрәпләрниң қатнишиши билән өткүзүлидиған <пәләстин- исраилийә хәлқара тинчлиқ йиғини> ниң, буниң үчүн әң мувапиқ супа болидиғанлиқиға ишинимиз» деди.
түркийәниң райондики күчләрниң өзара һәмкарлишип йеңи бихәтәрлик механизми орнитишни зөрүр дәп қарайдиғанлиқини, әгәр бу қәдәм ташланса, түркийәниң мәсулийәтни үстигә елишқа тәййар икәнликини байан қилған әрдоған: «ғәрб дунйаси, болупму йавропа дөләтлири ғәззәдики инсанлиқ синиқидин йәнә бир қетим өтәлмиди» дегәнләрни сөзлиригә илавә қилди.
әрдоған йәнә, түркийәниң бир қисми ғәззәликләрниң қолиға йәткән йардәм материйаллири омумий һәҗиминиң 213 тонниға йәткәнликини қәйт қилди.
مۇناسىۋەتلىك خەۋەرلەر
ирақниң шималида террорчиларға зәрбә берилди
ирақниң шималида бөлгүнчи террорлуқ тәшкилати — п к к әзаси үч террорчи бир тәрәп қилинди.
