eli yerlikaya yéqinqi töt ay ichide 309 térrorchining bir terep qilinghanliqini éytti
ichki ishlar ministiri eli yerlikaya yéqinqi töt ay ichide élip bérilghan heriketlerde 309 térrorchining bir terep qilinghanliqini bildürdi.
türkiye awazi radiyosi xewiri: eli yerlikaya ichki ishlar ministirliqining axbarat uchrishishliri dairiside, istanbuldiki médya organliri wekilliri bilen körüshti.
ministir yerlikaya yighinda qilghan sözide, «yéqinqi 120 kün ichide 132 sheher we 54 ming 589 yéza - qishlaqlarda élip bérilghan barliq heriketlerde 38 térorchi ölük, 4 i yaridar, 208 i hayat qolgha chüshti. 59 térrorchi teslim boldi, jemiy biterep qilinghan térrorchilar sani 309 gha yetti» dédi.
dölet mudapie ministirliqining bayanatida, aldinqi hepte iraq we süriyening shimali qatarliq rayonlardiki heriketlerde bölgünchi térorluq teshkilati p k k/y p g ezasi 252 térrorchining bir terep qilinghanliqi bildürülgen idi.
bir terep qilinghan térorchilar sanining bu yil ichide 1640 we 2015-yili 7-ayning 24-künidin buyan 38 ming 983 gha yetkenliki uqtuulghan idi.
yene bir tereptin, dölet mudapie ministirliqi menbeliri süriyede türkiyege tewe uchquchisiz ayropilanini étip chüshürgen amérika ayropilanining adanadiki injirlik bazisidin uchqanliqigha dair söz - chöcheklerge reddiye bérip, «ayropilanning injirliktin uchqanliqi tamamen bir xiyal. bundaq ehwal yoq» dédi.
dölet mudapie ministirliqi menbeliri ayropilanning nedin uchqanliqigha dair soalgha qarita: «ayropilan iyordaniyedin uchti» dep jawab qayturdi.
