erdoghan bilen putinning söhbiti bashlandi
jumhur reis rejep tayyip erdoghan pirézidént wiladimir putinning teklipige binaen, rusiyening sochi shehiride xizmet ziyaritide bolmaqta.
türkiye awazi radiyosi xewiri: jumhur reis erdoghan bilen pirézidént putinning rusiyening sochi shehiridiki söhbiti bashlandi.
jumhur reis erdoghan söhbettin ilgiri muxbirlargha bayanat bérip: «putin bilen körüshkendin kéyin dunyagha bérilidighan uchur, bolupmu tereqqiy qilmighan afriqa döletlirige qarita tashlinidighan qedemler toghrisidiki uchur intayin muhim» dédi.
erdoghan yene, «nöwette bizning türkiye bilen rusiye otturisidiki tashqi soda miqdarimiz 62 milyard dollar؛ biz 100 milyard dollarliq nishangha qarap méngiwatqanliqimizdin intayin xushalmiz» dédi.
rusiye pirézidénti putin bolsa, «biz yéqin kelgüside türkiye bilen gaz we bashqa sahelerde muhim qedemlerni tashlaymiz» dédi we sözini dawamlashturup: «(jumhur reis erdoghan bilen) ukraina kirizisini muzakire qilimiz. siler ashliq kélishimini küntertipige élip kirisiler, biz bu heqte söhbet ötküzüshke ochuqmiz» dégenlerni qeyt qildi.
