әрдоған: фирансийәдики вәқәләрниң йилтизида мустәмликичилик бар
түркийә җумһур рәиси рәҗәп таййип әрдоған фирансийәдә бир сақчиниң алҗирийә пуштидин болған йашни етип өлтүрүшидин кейин партлиған намайишлар үстидә тохтилип: «фирансийәдики вәқәләрниң йилтизида мустәмликичилик бар» деди.
түркийә авази радийоси хәвири: җумһур рәис рәҗәп таййип әрдоған кабент йиғинидин кейин байанат елан қилди.
у фирансийәдә өткән һәптә сақчиларниң алҗирийә пуштидин болған бир йашни етип өлтүрүшидин кейин партлиған намайишларниң йилтизида мустәмликичиликниң барлиқини билдүрүп: «зораванлиқ зораванлиқни пәйда қилип, бүгүнки вәқәләргә сәвәб болди. тарихтикигә охшаш, шамал чиқарғанлар боран-чапқунға дуч келиватиду. биз әндишә ичидә көзитиватқан фирансийәдики вәқәләрниң көп қан ақмастин вә зораванлиқлар техиму зораймастин балдуррақ ахирлишишини тиләймиз» деди.
у амминиң мал-мүлкигә зийан селишни, кочиларға от қойуп, вәйран қилинишини, магезинларниң булаң-талаң қилинишини әйибләйдиғанлиқлирини, кочида йүз бәргән вәқәләрниң қануний һәқ-һоқуқ тәләп қилиш усули болалмайдиғанлиқини әскәртип, мундақ деди:
«шундақтиму бу иҗтимаий партлаштин мустәбитләрниң савақ елиши керәклики наһайити ениқ. йүз бәргән вәқәләрниң көчмәнләргә қаритилған йеңидин бесим қилиш, мәҗбурлаш вә қорқитиш долқунлириға сәвәб болушидин әндишә қилимиз» деди.
مۇناسىۋەتلىك خەۋەرلەر
ирақниң шималида террорчиларға зәрбә берилди
ирақниң шималида бөлгүнчи террорлуқ тәшкилати — п к к әзаси үч террорчи бир тәрәп қилинди.