تۈركىيە كوسوۋۇ بىلەن سېربىيە ئوتتۇرىسىدىكى مۇناسىۋەتلەرنىڭ نورماللاشتۇرۇلۇشىنى قوللىدى

تۈركىيە ئاۋازى رادىيوسى خەۋىرى: تۈركىيە تاشقى ئىشلار مىنىستىرلىقىنىڭ باياناتىدا، تەرەپلەرنىڭ ئالدىمىزدىكى مەگىللەردە مەزكۇر كېلىشىمنىڭ بەلگىلىمىلىرىگە تولۇق ئەمەل قىلىش ئارقىلىق كونكرېت نەتىجىلەرگە ئېرىشىشىنى ئۈمىد قىلىدىغانلىقى ئۇقتۇرۇلدى.

باياناتتا، 27 - فېۋرال ياۋروپا ئىتتىپاقىنىڭ كوسوۋۇ بىلەن سېربىيە ئوتتۇرىسىدىكى مۇناسىۋەتلەرنى نورماللاشتۇرۇش يول خەرىتىسى دائىرىسىدە بېلگىيەنىڭ پايتەختى بىريۇسسېلدا ھاسىل قىلىنغان كېلىشىمدىن كېيىن، ئىككى دۆلەت رەھبەرلىرىنىڭ 18 - مارتتا شىمالىي ماكېدونىيەنىڭ ئوخرى شەھىرىدە كېلىشىمنى ئىجرا قىلىش قوشۇمچە ھۆججىتى توغرىسىدا كېلىشىم ھاسىل قىلىنغانلىقىنى مەمنۇنلۇق بىلەن قارشى ئالىدىغانلىقى بىلدۈرۈلدى.

باياناتتا مۇنداق دېيىلدى:

دۆلىتىمىز بولۇپمۇ ئېلېكتر تارقىتىش مەسىلىسى قاتارلىق باسقۇچلارغا تۆھپە قوشماقتا. ھۆرمەتلىك جۇمھۇر رەئىسىمىز (رەجەپ تاييىپ ئەردوغان) يېقىندا (ئەڭ ئاخىرىدا) سېربىيە پىرېزىدېنتى (ئالېكساندىر) ۋۇجىچ ۋە كوسوۋۇ باش مىنىستىرى (ئالبىن) كۇرتى بىلەن ئايرىم -ئايرىم كۆرۈشتى. تۈركىيە بولۇش سۈپىتىمىز بىلەن كوسوۋۇ-سېربىيە ئوتتۇرىسىدىكى مۇناسىۋەتلەرنى نورماللاشتۇرۇشنى مەقسەت قىلغان بارلىق تەشەببۇسلارنى قوللاپ قۇۋۋەتلەشنى داۋاملاشتۇرىمىز.»