چاۋۇشئوغلۇ: 70 مىڭ چېدىر تۈركىيەگە كەلدى، 55 مىڭىنى يۆتكەش خىزمەتلىرى ئىشلىنىۋاتىدۇ
مىنىستىر مەۋلۈت چاۋۇشئوغلۇ ئاپەت ۋە جىددىي ئىشلارغا تاقابىل تۇرۇش ئىدارىسى _ ئافادنىڭ غازىئانتەپتىكى ماسلاشتۇرۇش مەركىزىدە قۇتقۇزۇش خىزمەتلىرى توغرىسىدا بايانات ئېلان قىلدى.
1948023
تۈركىيە ئاۋازى رادىيوسى خەۋىرى: دۆلىتىمىز (تۈركىيە جۇمھۇرىيىتى) تاشقى ئىشلار مىنىستىرى مەۋلۈت چاۋۇشئوغلۇ، قاھرامانماراش مەركەزلىك يەر تەۋرەشلەردىن كېيىن ھەر قايسى دۆلەت ۋە ئورگانلارنىڭ تۈركىيەگە 120 مىڭ چېدىر ئەۋەتىشنى ۋەدە قىلغانلىقىنى، تۈركىيەنىڭمۇ 102 مىڭ چېدىر بۇيرۇتقانلىقىنى بىلدۈرۈپ: «بۇلارنىڭ 70 مىڭغا يېقىنى دۆلىتىمىزگە يېتىپ كەلدى، 55 مىڭغا يېقىن چېدىرنى يۆتكەش خىزمەتلىرى ئىشلىنىۋاتىدۇ» دېدى.