مىنىستىر چاۋۇشئوغلۇ ب د ت مۇئاۋىن باش كاتىپى بىلەن يەر تەۋرەش ئاپىتى توغرىسىدا سۆزلەشتى

تۈركىيە ئاۋازى رادىيوسى خەۋىرى: دۆلىتىمىز (تۈركىيە جۇمھۇرىيىتى) تاشقى ئىشلار مىنىستىرى مەۋلۈت چاۋۇشئوغلۇ، بىرلەشكەن دۆلەتلەر تەشكىلاتى (ب د ت)نىڭ ئىنسانپەرۋەرلىك خىزمەتلىرىگە مەسئۇل مۇئاۋىن باش كاتىپى، قوشۇمچە جىددىي ياردەم كوردىناتورى مارتىن گرىففىتس بىلەن 6 – فېۋرال يۈز بەرگەن قاھرامانماراش مەركەزلىك يەر تەۋرەش توغرىسىدا سۆزلەشتى.

مىنىستىر مەۋلۈت چاۋۇشئوغلۇ تۋىتتېردىكى ئادرېسىدا تۈركچە ۋە ئىنگلىزچە ئۇچۇر ھەمبەھرىلەپ: «ب د ت نىڭ ئىنسانپەرۋەرلىك خىزمەتلىرىگە مەسئۇل مۇئاۋىن باش كاتىپى، قوشۇمچە جىددىي ياردەملەر كوردىناتورى بىلەن كۆرۈشۈپ، ب د ت ۋە ئۇنىڭغا قاراشلىق ئورگانلارنىڭ يەر تەۋرەش رايونىدىكى پائالىيەتلىرى توغرىسىدا سۆزلەشتۇق» دېگەنلەرنى قەيت قىلدى.