erdoghan: shiwétsiye heyran qalidu

türkiye awazi radiyosi xewiri: jumhur reis rejep tayyip erdoghan 29-yanwar (2023) bilejikte yashlar bilen uchrashti. u shiwétsiye bilen finlandiyening natogha eza bolush musapisi üstide toxtalghanda: «shiwétsiyege natogha eza bolushinglar üchün bu térroristlarni bizge tapshurup béringlar, déduq. 120 kishilik tizimlikni berduq, eger térroristlarni bizge tapshurup bermise bizdin renjimisun. ular shu kündin tartip hazirghiche bizge asasiy qanungha özgertish kirgüzduq, uni qilduq, buni qilduq dep waqit ötküzüwatidu. biz finlandiye toghrisida oxshimighan signal bérishimiz mumkin, u chaghda shiwétsiyening heyran qélishi turghanla gep. emma, finlandiyemu oxshash xataliqni ötküzmesliki lazim.»

u türkiye-rusiye munasiwetliri üstidimu toxtaldi. u mundaq dédi:

«rusiye bilen bolghan munasiwetlirimizde özara hörmet qilish, özara étibar bilen qarash bar. méning putin bilen bolghan munasiwitim, durustluq üstige qurulghan. hazir süriyening shimalida ümid qilghan netijini qolgha keltürelmigen bolsaqmu, üch terep yighini ötküzeyli, dewatimiz. yeni, türkiye, rusiye we süriye uchrishishi. belkim irannimu buning ichige qétishimiz mumkin. iranmu qétilsun. uchrishishlirimizni bu shekilde ötküzüp, rayongha xatirjemlik ekileyli. rayon hazirqi qiyinchilqlardin qutulsun. biz bu nuqtida netije éliwatimiz, alduq we alimiz.»