түркийә-әзәрбәйҗан-гирузийә министирлар йиғини өткүзүлди

түркийә авази радийоси хәвири: түкийә қатнаш министири караисмаилоғлу гирузийә пайтәхти тиблиста өткүзүлгән түркийә-әзәрбәйҗан-гирузийә үч тәрәп министирлар йиғиниға қатнашти.

у ахбаратқа йепиқ шәкилдә вә тәхминән бир саәт давамлашқан үч тәрәп йиғинини ахирлаштуруп, мухбирларни күтүвалди.

у түркийә, гирузийә вә әзәрбәйҗанниң дост, шундақла қериндаш дөләтләр икәнликини әскәртип, дөләтләр оттурисидики қатнаш каридорлирини техиму тәрәққий қилдуруш үчүн өзара учришишларни давамлаштуруватқанлиқлирини билдүрди.

у: «бу учришишлар нәтиҗисидә дөләтлиримиз мәнпәәткә еришиду. қатнаш каридорлири қанчилик күчлүк болса, аримиздики иттипақлиқ һәм иҗтимаий һәмдә иқтисадий сәвийәдә техиму тәрәққий қилиду» деди.

у баку-тиблис-карс төмүр йоли вә түркийәдики мармарай төмүр йоли лайиһәлириниң әмәлгә ашурулғанлиқини әскәртип: «һазир хитайдин йолға чиққанчә лондонғичә баралайдиған пойизлиримиз қатнашни башлиди. барлиқ йошурун күчләрни қизип чиқириш үчүн буниңдин кейин немиләрни қилалайдиғанлиқимиз тоғрисида көрүшүватимиз» деди.