erdoghan ukraina pirézidénti zélénskiy bilen körüshti

türkiye awazi radiyosi xewiri: jumhur reislik uchur-alaqe idarisi erdoghan-zélénskiy téléfon söhbiti toghrisida bayanat élan qildi.

bayanatta, 24-féwraldin (2022) buyan dawamlishiwatqan ukraina-rusiye urushidiki yéngi özgirishlerning muzakire qilinghanliqi qeyt qilindi.

jumhur reis rejep tayyip erdoghan körüshüshte, ukraina bilen rusiye otturisida muzakirelerning dawamlishishi üchün bügüngiche her türlük tirishchanliqlarni körsetkenliklirini, buningdin kéyinmu muressechilikni öz ichige alghan éhtiyajliq yardemlerni qilishqa teyyar ikenliklirini bildürdi.

u ukrainaning yéza igilik mehsulatlirining déngiz yoli arqiliq éksport qilinishi üchün qurulidighan bixeter karidor layihesige ehmiyet béridighanliqlirinimu sözlirige ilawe qildi.

u yene, usiye, ukraina we b d t ning qatnishishi astida teshkil qilinidighan kontrol merkizi ichidin orun élishqa we merkezge istanbulda sahibxanliq qilishqa pirinsip jehettin ijabiy qaraydighanliqlirini bildürdi.