«yaxshiliq poyizi» ete afghanistangha qarap yolgha chiqidu

türkiye awazi radiyosi xewiri: jiddiy ehwallargha taqabil turush qomandanliq merkizi teripidin élan qilinghan yazma bayanatta, birleshken döletler teshkilatining sanliq melumatlirigha qarighanda, afghanistanda 24.4 milyon kishining yardemge muhtaj ikenliki, 12 milyondin artuq balining yémek – ichmek yétishmeslik qiyinchiliqigha duch kéliwatqanliqi, bu ehwalgha qarap turalmighan türkiye xelqining yardimide afghanistangha yardem bérish seeprwerlik herikitining bashlanghanliqi eskertilish bilen bir waqitta, jumhur reis rejep tayyip erdoghanning yolyoruqgha asasen jiddiy ehwallargha taqabil turush qomandanliq merkizining riyasetchilikide bir yerge jem bolghan ammiwi teshkilatlarning yardimi astida ishqa ashurulghan «afghanistan üchün <yaxshiliq poyizi>» layihesi dairiside, 7 «yaxshiliq poyizi» ning yanwar we féwral aylirida afghanistangha uda 3 qétim qatnap, 2 ming 663 tonna insanperwerlik yardem buyumlirini afghanistangha yetküzüp bergenliki qeyt qilindi.

bayanatta yene, ete 4 – qétimliq seperge atlinidighan «yaxshiliq poyizi» ning, 1478 tonna yémek – ichmek, kiyim – kéchek, ediyal, saghlamliq we taziliq matériyalliridin terkib tapqan yardemni 68 kontéynér bilen afghanistangha yetküzüp bérilidighanliqi bildürüldi.