türkiyening 3-«yaxshiliq poyizi» afghanistangha yétip bardi
türkiye jiddiy ehwallargha taqabil turush qomandanliq merkizining yétekchilikide herqaysi ammiwi teshkilatlar bilen birlikte ishqa kirishtürülgen üchinchi «yaxshiliq poyizi» afghanistangha yétip bardi.
türkiye awazi radiyosi xewiri: 25 féwral küni paytext enqeredin yolgha chiqqan we 994 tonna insanperwerlik yardem buyumliri qachilanghan 3-«yaxshiliq poyizi», türkmenistan chégrasidiki «<turghundi> chégra éghizi» arqiliq afghanistangha kirdi.
jiddiy ehwallargha taqabil turush qomandanliq merkizi xelqara insanperwerlik yardem guruppisining mesuli burhan aslan, «<turghundi> chégra éghizi» da ötküzülgen murasimda qilghan sözide, «yaxshiliq poyizi» gha qachilanghan insanperwerlik yardem buyumlirining, yémek – ichmek, ediyal we kiyim – kéchek matériyallirini öz ichige alidighanliqini, bu buyumlarning hératta ayrim – ayrim yéshiklar halitide teyyarlinip, deslepki qedemde 17 wilayettiki éhtiyajliq 500 ailige tarqitilidighanliqini eskertish bilen bir waqitta, 7 – féwral küni afghanistangha yétip barghan birinchi «yaxshiliq poyizi» gha qachilanghan insanperwerlik yardem buyumlirini tarqitish xizmitining tamamlanghanliqini, ikkinchi «yaxshiliq poyizi» diki insanperwerlik yardem buyumlirini tarqitish xizmitiningmu tamamlinish aldida turuwatqanliqini qeyt qildi.
türkiye, iran we türkmenistan térrotériyeliridin ötüp afghanistangha yétip barghan «yaxshiliq poyizi», 4 ming 168 kilométirliq musapini bésip ötti.
مۇناسىۋەتلىك خەۋەرلەر
erdoghan sénégalning sabiq pirézidénti maki sal bilen körüshti
jumhur reis rejep tayyip erdoghan sénégalning sabiq pirézidénti maki sal bilen téléfonda körüshti.