قايىل قىلىش ۋاسىتىسى ئارقىلىق تەسلىم بولغانلار سانى 129 غا يەتتى

تۈركىيە ئاۋازى رادىيوسى خەۋىرى: تۈركىيەنىڭ تېررورىزمغا قارشى كۈرىشى نەتىجىسىدە بۆلگۈنچى تېررورلۇق تەشكىلاتى پ ك ك نىڭ سېپىدە يىمىرىلىش داۋاملاشماقتا.

قايىل قىلىش ۋاسىتىسى ئارقىلىق بۆلگۈنچى تېررورلۇق تەشكىلاتى پ ك ك دىن قاچقان يەنە بىر تېررورچى تەسلىم بولدى، شۇنىڭ بىلەن، 2021 – يىلى دۆلەت خەۋپسىزلىك كۈچلىرىگە تەسلىم بولغان تېررورچىلارنىڭ سانى 129 غا يەتتى.

تۈركىيە ئىچكى ئىشلار مىنىستىرلىقىنىڭ بىلدۈرۈشىچە، تەسلىم بولغان بۆلگۈنچى تېررورلۇق تەشكىلاتى پ ك ك مەنسۇبى تېررورچىنىڭ، 2016 – يىلى تېررورلۇق تەشكىلاتىنىڭ سېپىگە قېتىلغانلىقى، سۈرىيە ۋە ئىراقتا پائالىيەت ئېلىپ بارغانلىقى ئېنىقلاپ چىقىلغان.