«awstriye bir gewdilishish ministirining dewalirini qobul qilghili bolmaydu»

türkiye awazi radiyosi xewiri: türkiye tashqi ishlar ministirliqi bayanatchisi tanju bilgich, bu heqtiki soalgha bergen yazma jawabta, mundaq dédi: «awstriye bir gewdilishish ministiri susanné raabning, aldinqi kün ötküzülgen bir axbarat élan qilish yighinida, <siyasiy islam höjjet merkizi» teripidin teyyarlanghan we awstriyediki barliq musulman jemiyetler qara tizimlikke kirgüzülgen bir xeritini tonushturushi we wéyannadiki ashqunluqlargha, hörmetlik jumhur reisimiz rejep tayyip erdoghanning seweb bolghanliqini ilgiri sürüshi heqiqetlerdin yiraq bolup, qobul qilish mumkin emes.»

u, eslide chet elliklerge öchmenlik qilish, irqchiliq we islamgha qarshi turush siyasetlirining ammiwi uyushushchanliq we birdeklikni zeherlewatqanliqini tekitlep mundaq dédi: «awstriye, köchmenler we musulmanlarni qara tizimlikke kirgüzüp, hujum nishani qiliwatqan bu paaliyetlerdin waz kéchishi we mesuliyetchan siyaset éngigha asasen siyasiy paaliyetlerni élip bérishi kérek.»