türkiye – amérika munasiwetlirining istiratégiyelik mahiyiti ispatlandi
türkiye tashqi ishlar ministirliqi türkiye – amérika qoshma ishtatliri munasiwetlirining istiratégiyelik mahiyitining ispatlanghanliqini jakarlidi.
türkiye awazi radiyosi xewiri: türkiye tashqi ishlar ministirliqining, ammiwi ortaqlishish tor béti Twitter sehipiside élan qilinghan bayanatida, türkiye muawin tashqi ishlar ministiri bash elchi sedat önal bilen amérika qoshma ishtatliri muawin tashqi ishlar ministiri wéndi shérmanning riyasetchilikide tünügün paytext enqerede ishqa ashurulghan siyasiy kéngeshlerde, türkiye – amérika qoshma ishtatliri munasiwetlirining istiratégiyelik mahiyitining ispatlanghanliqi we térrorizmgha qarshi küreshning ehmiyitining tekitlengenliki eskertilip mundaq déyildi: «muawin tashqi ishlar ministirimiz bash elchi sedat önal bilen amérika qoshma ishtatliri muawin tashqi ishlar ministiri wéndi shérmanning riyasetchilikide tünügün paytext enqerede ishqa ashurulghan siyasiy kéngeshlerde, türkiye – amérika qoshma ishtatliri munasiwetlirining istiratégiyelik mahiyitining ispatlanghandi, rayonluq mesililerde özara pikir almashturuldi, térrorizmgha qarshi küreshning ehmiyiti tekitlendi.»
amérika qoshma ishtatliri muawin tashqi ishlar ministiri wéndi shérmanmu, ammiwi ortaqlishish tor béti Twitter sehipiside, bu heqte élan qilghan bayanatida, türkiye muawin tashqi ishlar ministiri bash elchi sedat önal bilen bilen afghanistan, süriye we rayonluq mesililer heqqide ünümlük uchrishish élip barghanliqlirini bildürgenidi.