türkiye: b d t kishilik hoquq kéngishining musteqil tekshürüsh komitét qurush qararini qollaymiz

türkiye awazi radiyosi xewiri: türkiye jumhuriyiti tashqi ishlar ministirliqi b d t kishilik hoquq kéngishining tünügün chaqirilghan pelestin alahide yighinida qobul qilinghan « israiliyening depsendichiliklirini tekshürüsh üchün xelqaraliq musteqil komitét qurush» qarari toghrisida yazma bayanat élan qildi.

türkiyening, b d t kishilik hoquq kéngishining israiliyening muhasire astidiki pelestin zéminlirida sadir qilghan kishilik hoquq we insan heqliri qanuni depsendichilikini tekshürüsh meqsitide musteqil komitét qurush qararini qizghin qarshi alidighanliqi eskertilgen bayanatta: «kishilik hoquq kéngishining bu qararigha, israiliyening pelestin xelqige qara – qoyuq yürgüzgen ashqun, muwazinetsiz we qanunsiz küch ishlitish siyasiti bashta bolup, ishghal astidiki pelestin zéminlirida sadir qilghan jinayetlirining xelqara sehnide hésabini bérishi we munasiwetlik israiliye dairilirining bu jinayetlerning jawabkarliqini üstige élishining kapaletke ige qilinishi yolida tashlanghan muhim bir qedem, dep qaraymiz» dégen ibarilerge orun bérildi.

bayanatta, türkiyening mezkur xelqaraliq tekshürüsh komitétining xizmetlirini her jehettin qollashqa teyyar ikenliki tekitlendi.