«ئەرەن – 10 گابار» ھەربىي ھەرىكىتى باشلاندى
شىرناق – سىئىرت رايونىدا بۆلگۈنچى تېررورلۇق تەشكىلاتى پ ك ك غا قارشى «ئەرەن – 10 گابار» ھەربىي ھەرىكىتى باشلاندى.
تۈركىيە ئاۋازى رادىيوسى خەۋىرى: تۈركىيە ئىچكى ئىشلار مىنىستىرلىقى تەرىپىدىن ئېلان قىلىنغان باياناتتا بىلدۈرۈلۈشىچە، شىرناق – سىئىرت رايونىدا بۆلگۈنچى تېررورلۇق تەشكىلاتى پ ك ك غا قارشى باشلانغان ۋە 1073 ئالاھىدە خادىم قاتناشقان «ئەرەن – 10 گابار» ھەربىي ھەرىكىتىنىڭ نىشانى، بۆلگۈنچى تېررورلۇق تەشكىلاتى پ ك ك نى دۆلەتنىڭ كۈنتەرتىپىدىن پۈتۈنلەي چىقىرىۋېتىش ۋە رايوندا يوشۇرۇنۇۋالغان تېررورچىلارنى ئۈزۈل - كېسىل يوقىتىش ئىكەن.
باياناتتا تەكىتلىنىشىچە، دۆلەت مىقياسىدا تېررورىزمنى ئۈزۈل - كېسىل يوقىتىش مەقسىتىدە ئېلىپ بېرىلىۋاتقان ۋە 2021 – يىلى، 10 – يانۋار كۈنى باشلانغان «ئەرەن ھەربىي ھەرىكەتلىرى» دائىرىسىدە، ھازىرغىچە 3 تېررورچى بىر تەرەپ قىلىنغان، 58 يانتاياقچى تۇتۇلغان، 213 غار، پاناھ جاي، ئىسكىلات يەر بىلەن يەكسان قىلىۋېتىلگەن، كۆپ ساندا ئوق - دورا – قورال – ياراغ، يېمەك - ئىچمەك ۋە تۇرمۇش بۇيۇملىرى قولغا چۈشۈرۈلگەن.
باياناتتا قەيت قىلىنىشىچە، تېررورچىلارغا زەربە بېرىش ھەربىي ھەرىكەتلىرى، خەلقنىڭ قىزغىن قوللىشى ئاستىدا چوڭقۇر ئىشەنچ ۋە قەتئىي ئىرادە بىلەن مۇۋەپپەقىيەتلىك ھالدا داۋاملاشماقتا ئىكەن.
مۇناسىۋەتلىك خەۋەرلەر
گىرېتسىيە باش مىنىستىرى كىرىياكوس مىتسوتاكىس ئەتە تۈركىيەگە يېتىپ كېلىدۇ
جۇمھۇر رەئىس رەجەپ تاييىپ ئەردوغان پايتەخت ئەنقەرەدە مىتسوتاكىسنىڭ زىيارىتىنى قوبۇل قىلىدۇ.