erdoghan wiyénnada yüz bergen qanliq hujumni eyiblidi
jumhur reis rejep tayyip erdoghan aldinqi küni kechte awistiriyening paytexti wiyénnada yüz bergen qanliq hujumni eyibligenlikini bildürdi.
türkiye awazi radiyosi xewiri: jumhur reis erdoghan kabinét yighinidin kéyin bayanat élan qildi.
erdoghan wiyénnadiki qanliq hujumni chin qelbidin eyibligenlikini tilgha élip: «hujumni sadir qilghuchi meyli kim bolishidin qetiy nezer, bu xil hujumlargha <boptu> déyish mumkin emes. men awstriye xelqidin hal soraymen we teziye téleklirimni yollaymen» dédi.
erdoghan: «yawropadiki bir qisim döletler islamni özliriche qaytidin izahlashqa we shekillendürüshke urunidighan derijide chektin ashmaqta» dégennimu eskertip, hazir dunyada 2 milyard 400 milyon xiristiyan, 1 milyard 900 ming musulman we 1 milyard 800 ming hindi, buddist we shinto étiqadigha mensup insanlarning yashaydighanliqini éytti.
70 yil ilgirikige sélishturghanda islamgha yüzlinishte ghayet zor éshish bolghanliqini bildürgen erdoghan, ilgiri musulman yoq déyerlik yawropadiki bir qisim döletler nopusida, musulmanlarning nisbitining %10 ke yetkenlikini éytti.
erdoghan shuningdek afriqadin sherqiy jenubiy asiyaghiche, amérikadin awstiraliyegiche bolghan keng jughrapiyede islam dinining tarqilishining aldini tosush mumkin bolmaydighanliqini esketti.
erdoghan bu ehwallarning musulmanlar hemmila sahede iziliwatqan, xarliniwatqan, arqida qaldurulghan, ékispilatatsiye qiliniwatqan we ichki toqunushlar bilen énérgiyeliri israp qiliniwatqan bir mezgilde yüz bériwatqanliqini tekitlidi.
