دېڭىز ئارمىيەسى بىلەن قۇرۇقلۇق ئارمىيەسىنىڭ مەشىق پائالىيەتلىرى تاماملاندى

تۈركىيە ئاۋازى رادىيوسى خەۋىرى: تۈركىيە دۆلەت مۇداپىئە مىنىستىرلىقى تەرىپىدىن بۇ ھەقتە ئېلان قىلىنغان باياناتتا مۇنداق دېيىلدى: «دېڭىز ئارمىيەمىزگە ئائىت ھۇجۇم پاراخوتلىرى بىلەن قۇرۇقلۇق ئارمىيەمىزگە ئائىت كۈرەشچى تىك ئۇچار ئايروپىلانلارنىڭ شەرقىي ئاقدېڭىزدىكى بىرلەشمە مەشىقلىرى مۇۋەپپەقىيەتلىك ھالدا تاماملاندى.»

مىنىستىرلىقنىڭ ئاممىۋى ئورتاقلىشىش تور بېتىدىكى سەھىپىسىدە ئېلان قىلىنغان باياناتتا، مەشىق پائالىيەتلىرىگە ئالاقىدار فوتو سۈرەتلەرگىمۇ ئورۇن بېرىلدى.