erdoghan sochigha yétip bardi

türkiye awazi radiyosi xewiri: jumhur reis rejep tayyip erdoghan 4-qétimliq süriye yighini dairiside sochigha yétip kélip, deslepte iran pirézidénti hesen ruhani bilen körüshti. körüshüsh axbaratqa yépiq shekilde ötküzüldi.

rejep tayyip erdoghan körüshüshte iran pirézidénti ruhanigha, tünügün (13-féwral) iranda yüz bergen térrorluq hujumida jénidin ayrilghanlar üchün teziyesini bildürdi. u süriye témiliq «türkiye-rusiye-iran üch terep aliy yighini» resmiy bashlinishtin burun, rusiye pirézidénti wladimir putin bilenmu körüshti.

u: «biz süriyede bixeter rayon tesis qilish pikrini milliy bixeterlikimizge xizmet qilidighan ölchemde qollaymiz. bu pikirge rusiyening ijabiy qarighanliqidin memnunluq hés qilimiz» dédi. rejep tayyip erdoghan sözini mundaq dawamlashturdi:

«p y d bilen y p g munbichtin hemde firatning sherqidin tazilanmighiche süriyening zémin pütünlükini kapaletke ige qilghili bolmaydu. idlibte hawa tewelikini ishlitish nuqtisidin éytqanda, namayan qilinghan hemkarliqning afrin we firat qalqini herikiti rayonliridimu namayan qilinishi intayin muhim.»

rusiye pirézidénti wladimir putin bolsa: «türkiye bilen birlikte süriyede terepler otturisidiki diyalog süritini tézleshtüreleydighanliqimizgha ishinimen. süriyediki meqsitimizge, aktip, keng dairilik tirishchanliqlar we muresse yoli bilen yételeymiz. türkiye bilen élip bériliwatqan hemkarliqlirimiz sayisida süriyede muhim musapilerni bastuq» dédi.

bu nöwetlik 4-qétimliq süriye aliy rehberler yighinida, astana munbirining süriye ixtilapigha uzun muddetlik hel qilish charisi tépishni urush toxtitish rayonlirida we kapaletke siyasiy musapide körsetken ortaq tirishchanliqlar közdin kechürülidu.

jumhur reis rejep tayyip erdoghan yighin jeryanida élip baridighan uchrishishlirida, rusiye we iran bilen bolghan munasiwetlerdin bashqa, rayonluq mesililerningmu muzakire qilinidighanliqi qeyt qilinmaqta.