چاۋۇشئوغلۇ پومپېيو بىلەن كۆرۈشىدۇ

تۈركىيە ئاۋازى رادىيوسى خەۋىرى: مىنىستىر مەۋلۈت چاۋۇشئوغلۇ ئامېرىكىنىڭ نيۇ يورك شەھىرىدىكى ئۇچرىشىشلىرىنى ئاخىرلاشتۇرغاندىن كېيىن ۋاشىنگتونغا بېرىپ، ئامېرىكىلىق مەنسەپدېشى پومپېيو بىلەن بىلەن كۆرۈشىدۇ.

ئىككى مىنىستىرنىڭ جەمال قاشىقجى جىنايىتى، سۈرىيەنىڭ مۇنبىچ رايونىنىڭ بۆلگۈنچى تېررورلۇق تەشكىلاتى ي پ گ / پ ك ك ئۇنسۇرلىرىدىن خالىيلاشتۇرۇلۇشى، فەتھۇللاھچى تېررورلۇق تەشكىلاتى كاتتىبېشىنىڭ قايتۇرۇپ بېرىلىشى، شۇنىڭدەك رايون ۋە خەلقئارالىق مەسىلىلەر توغرىسىدا سۆزلىشىشى كۈتۈلمەكتە.

چاۋۇشئوغلۇ نيۇ يوركتىكى ئۇچرىشىشلىرى دائىرىسىدە تۈنۈگۈن كەچتە ب د ت باش كاتىپى ئانتونىئو گۇتېررېس بىلەن كۆرۈشۈپ، جەمال قاشىقجى جىنايىتى، يەمەن، سۈرىيە ۋە قىبرىستىكى ئۆزگىرىشلەر توغرىسىدا سۆزلەشكەنىدى.