erdoghan bilen putin «türk éqimi» murasimida nutuq sـözlidi
jumhur reis rejep tayyip erdoghan rusiye tebiiy gazini qara déngiz we türkiye arqiliq yawropagha yetküzidighan «türk éqimi tebiiy gaz turubba liniyesi layihesi» ning peqet türkiye üchünla emes, belki qoshnilar we pütün rayon üchünmu intayin yaxshi ewzel
türkiye awazi radiyosi xewiri: türk éqimi layihesining déngiz qismining pütüshi munasiwéti bilen istanbul qorultay merkizide ötküzülgen échilish murasimigha jumhur reis rejep tayyip erdoghan we rusiye pirézidénti wiladimir putin qatnashti.
jumhur reis erdoghan murasimda sözligen nutuqida, türk éqimi layihesining axiriqi basquchqa yétip kelgenlikini bildürüp, «türk éqimi yalghuz dölitimiz we millitimizgila emes, belki qoshnilirmiz we pütün rayonimizghimu intayin yaxshi ewzilliklerni sunidu» dédi.
erdoghan türk éqimi layihesining 2019 – yilida sélinidighan muessesilirining arqidin xizmetke kérishturulidighanliqini éytti.
erdoghan türkiyege nisbeten rusiyening uzun muddetlik hemkarliq ornitishqa bolidighan ishenchlik bir dost we muhim bir tebiiy gaz teminliguchisi ikenlikini tekitlep, «rusiye bilen bolghan hemkarliqimiz tolimu keng dairilik sehaler boyiche ilgirilimekte. nishanimiz rusiye bilen 100 milyard dollarliq soda omumiy sommisi sewiyesini ishqa ashurushtur. türkiye rusiyedin 1987 – yilidin buyan 387 milyard kübmétir tebiiy gaz sétiwaldi. bu énérgiye sahesidiki munasiwetlirimizning her türlük sinaqlardin ötkenlikining ipadisidur. biz rusiye bilen bolghan özar munasiwetlirimizning dairisini héchqachan bashqa döletlerning telipige yaki zorlishigha köre beligilep baqmiduq. hörmetlik putin we rusiye xelqi bilen bolghan hemkarliqimizning döletlirimizge nisbeten téximu chong layihelerning xushxewerchisi bolidighanliqigha ishinimiz» dédi.
wiladimir putinmu murasimda sözligen nutuqida, «rusiye we türkiye bolush süpitimiz bilen énérgiye sahesidiki hemkarliqimizni uzun yillar buyan intayin ghelibilik dawamlashturmaqmiz» dédi.
putin türk éqimi layihesining ehmiyiti üstide toxtilip, «türk éqimi türkiyeni muhim bir tebiiy gaz merkizige aylanduridu. türkiyening ornighimu ijabiy tesirlerni körsitidu» dédi.
putin ikki dölet otturisida ishench bolmay turup bu layihening ishqa éshishining mumkin emeslikini bildürüp, erdoghangha siyasiy iradisi we jasariti üchün rexmet éytti.
nutuq axirilashqandin kéyin türk éqimi layihsining déngiz qismigha kömülidighan axiriqi turubba jumhur reis rejep tayyip erdoghan we rusiye pirézidénti wiladimir putinning birlikte buyruq bérishi bilen qara déngizgha urunlashturuldi.
