türkiye xelqara jemiyetni ghezze üchün heriketke ötüshke chaqirdi
jumhur reislik sariyi bayanatchisi ibrahim qalin, israiliyening hujumlirigha süküt qiliwatqan xelqara jemiyetning mesuliyetni üstige élip heriketke ötüshi kéreklikini eskertti.
türkiye awazi radiyosi xewiri: israiliyening yéqinqi ikki künde ishghal astidiki ghezzege qilghan hujumlirida 13 pelestinlikning hayatidin ayrilghanliqini, onlarche kishining yarilanghanliqini xatirilitip ötken ibrahim qalin, «bu hujumlar israiliyening qanun tonimaydighan, mushtumzor we ishghalchi pozitsiyesini yene bir qétim namayan qilip berdi. israiliye, ghezze xelqige qaratqan bu hujumlirini derhal toxtitishi lazim. israiliyening hujumlirigha süküt qiliwatqan xelqara jemiyet mesuliyetni üstige élishi we heriketke ötüshi kérek. pelestin zéminlirini üsti ochuq türmige aylandurmaqchi bolghan we qudusning salahiyitini özgertip ighwagerchiliq qiliwatqan israiliyening ishghalchi we kéngeymichi siyasetlirige pütkül dunya <toxta> déyishi lazim» dégenlerni qeyt qildi.
ibrahim qalin, pelestin mesilisini hel qilishning birdinbir charisining ikki döletlik chare ikenlikini xatiriletti we sözini dawamlashturup, «türkiye orunluq dewasida pelestin xelqining yénida turushni dawamlashturidu» dédi.
