«p y d ge yardem bergenlik p k k gha yardem bergenliktur»
jumhur reislik sariyi bayanatchisi ibrahim qalin térrorluq teshkilati p k k gha yardem bérishning p y d gha yardem bergenlik bolidighanliqini éytti.
türkiye awazi radiyosi xewiri: qalin jumhur reislik sariyi ministirlar kéngishi yighinidin kéyin élan qilghan bayanatida, türkiyening térrorluq teshkilatlirini «yaxshi – yaman» dep ayrimaydighanliqini tekitlep mundaq dédi: «p y d – y p g ge yardem bergenlik, biwasite yaki wasitilik halda bölgünchi térrorluq teshkilati p k k gha yardem bergenlik bolidu. biz térrorluq teshkilatlirini <yaxshi – yaman> dep ayrip olturmaymiz. nöwette dölitimiz pütün küchi bilen térrorizmgha qarshi küresh qiliwatidu, buningdin kéyinmu bu küresh izchil dawamlishidu. amérika qoshma ishtatliridin p y d – y p g bilen bolghan munasiwetlirini tamamen üzüshini telep qiliwatimiz, hemde bu heqte amérika qoshma ishtatlirini agahlanduruwatimiz.»
amérika qoshma ishtatlirinng süriye alahide wekili jeyms jéfréy, bölgünchi térrorluq teshkilati p k k bilen p y d – y p g otturisidiki munasiwetler heqqidiki endishilerni chüshinidighanliqlirini ilgiri sürgenidi.
