aqar: amérikining y p g toghriliqmu keskin pozitsiye tutushini kütüwatimiz
dölet mudapie ministiri hulusi aqar amérika qoshma ishtatliridin bölgünchi térrorluq teshkilati p k k gha oxshashla uningdin qilche perqlenmeydighan y p g toghriliqmu keskin pozitsiye tutushini kütüwatqanliqlirini éytti.
türkiye awazi radiyosi xewiri: sudan ziyariti dairiside sewakin arilida bayanat bergen aqar, amérika qoshma ishtatlirining bölgünchi térrorluq teshkilati p k k ning kattibashliri heqqide uchur yetküzgüchilerge mukapat bérilidighanliqigha alaqidar qararidin tolimu xursen ikenliklirini tekitlep mundaq dédi: «ittipaqshimizning bu qedimi nahayiti ijabiy, emma tolimu kéchikken bir qedemdur, amérika qoshma ishtatliridin bölgünchi térrorluq teshkilati p k k gha oxshashla uningdin qilche perqlenmeydighan y p g toghriliqmu keskin pozitsiye tutushini kütüwatimiz. chünki, y p g liq térrorchilar ittipaqdishimiz amérika bilen bolghan dostluqimiz we hemkarliqimizgha kölengge chüshürmekte, amérika tereptin bu xataliqini derhal tüzitishini kütüwatimiz. derweqe, amérika qoshma ishtatlirining bir tereptin bölgünchi térrorluq teshkilati p k k ning kattibashliri toghruluq uchur yetküzgüchilerge mukapat bérish toghruluq qarar chiqirip, yene bir tereptin, p k k ning gumashtisi bolghan térrorluq teshkilati y p g ge yük aptomobilliri, ayropilanlar bilen herbiy esliheler, qoral – yaraghlar we oq – dorilar bilen teminlishini qobul qilish esla mumkin emes. bu jehettinmu amérika qoshma ishtatlirining xataliqini derhal tüzitishini kütüwatimiz.»
