chawushoghlu abé bilen körüshti
tashqi ishlar ministiri mewlut chawushoghlu yaponiye bash weziri shinzo abé bilen körüshti.
türkiye awazi radiyosi xewiri: bash weziri shinzo abé, süriyede 3 yil görüde tutulghandin kéyin türkiyening tirishchanliqi sayisida qoyup bérilgen yapon zhurnalist jumpéi yasuda üchün bashta jumhur reis rejep tayyip erdoghan, we ministir chawushoghlu bolup türkiye hökümitige rehmet éytti we sözini dawamlashturup, «türkiye bilen bolghan munasiwetlerni her sahede, her sewiyede ilgiri sürüshni xalaymiz» dédi.
ministir chawushoghlumu zhurnalist yasudaning saq – salamet öyige qaytalighanliqidin xushal bolghanliqini tilgha élip ötti.
«bu ziyaritimde nahayiti yaxshi bolghan munasiwetlirimizni téximu ilgiri sürüsh üchün barliq rehberler bilen nahayiti ünümlük uchrishishlarni ötküzdüm» dégen chawushoghlu, her ikki terepning munasiwetlerni téximu güllendürüsh iradisini körüp téximu xushal bolghanliqini sözlirige ilawe qildi.
chawushoghlu yaponiyediki ziyariti jeryanida tünügün mensepdishi taro kono bilen körüshkenidi.
مۇناسىۋەتلىك خەۋەرلەر
girétsiye bash ministiri kiriyakos mitsotakis ete türkiyege yétip kélidu
jumhur reis rejep tayyip erdoghan paytext enqerede mitsotakisning ziyaritini qobul qilidu.