chelik: qashiqji jinayiti yuqiridin yolyoruq almastin sadir qilinidighan bir jinayet emes
adalet we tereqqiyat partiyesi bayanatchisi ömer chelik, seudi erebistanliq zhurnalist jemal qashiqji (xashiqji) jinayitining yuqiri derijilik biridin yolyoruq almastin sadir qilinidighan bir qilmish emeslikini éytti.
1079326
türkiye awazi radiyosi xewiri: bayanatchi ömer chelik, partiyesining merkiziy ijraiye orgini yighinidin kéyin bayanat bérip, 2 – öktebirde kirgen seudi erebistanning istanbuldiki konsulxanisida öltürülgenliki otturigha chiqqan zhurnalist jemal qashiqji toghrisida toxtilip, «jesetning ornini bilishni xalaymiz, yerlik hemkarlashquchining kimlikini hökümitimizge melum qilinishini telep qilimiz» dédi we sözini dawamlashturup, «bu, yuqiri derijilik biridin yolyoruq almastin sadir qilinidighan bir qilmish emes» dégenlerni qeyt qildi.
«héchkimni qarisigha eyiblimeymiz» dégen chelik, «biraq, héchbir nersining üstining yépiwétilishigimu yol qoymaymiz» dédi.
