istanbulda chaqirilghan 4 dölet bashliqlar yighinining xulase doklati élan qilindi

türkiye awazi radiyosi xewiri: rehberler, térrorizmgha qarshi küreshning dawamlashturulidighanliqini tekitlep, paaliyet tedbirlirining toluq yolgha qoyulushi we belgilimilirige barliq terepler riaye qilidighan bir urush toxtitishni ishqa ashurushning ehmiyitini tekitlep ötti.

töt dölet bashliqlar yighinida, süriye mesilisige alaqidar eng yéngi özgirishlerning muhakime qilinghanliqi we süriye ixtilapini arqa körünüsh qilghan rayon we xelqaraning bixeterliki shundaqla muqimliqini xewpke ittiriwatqan tehditlerge munasiwetlik ortaq qayghularning otturigha qoyulghanliqi eskertildi.

rehberler, süriye ereb jumhuriyitining igilik hoquqi, musteqilliqi, birliki we zémin pütünlüki bilen birleshken döletler teshkilati (b d t) shertnamisining meqset we pirinsiplirigha bolghan küchlük wedilirini tekitlep ötti.

nöwettiki ixtilapni herbiy charilerge tayinip hel qilghili bolmaydighanliqini, bu mesilini peqet b d t  xewpsizlik kéngishining 2254 – nomurluq höjjitining rohigha mas halda muzakire qilinghan bir siyasiy yol xeritisige tayinish arqiliq hel qilghili bolidighanliqigha küchlük ishench qilidighanliqlirini tekitligen rehberler, bu dairide, suriye ixtilapigha küchlük shundaqla üzül – késil chare tépishqa hesse qoshushni xalaydighan barliq xelqara organlar arisidiki özara mas heriket qilishni kücheytishning muhimliqini qeyt qildi.

bayanatta, «(rehberler) b d t  xewpsizlik kéngishi teripidin térrorchi, dep élan qilinghan daésh, nusre fironti, elqaide yaki daéshqa chétishliq bashqa shexs, guruppa, teshkilat we bashqa térrorchi guruppilarni teltöküs yoqitish üchün, térrorizmgha qarshi küresh qilish iradilirini tekitlep ötti. süriyening igilik hoquqi we zémin pütünlüki bilen qoshna döletlerning milliy bixeterlikige ziyan sélishni nishan qilghan bölgünchi küntertiplerni ret qilish iradilirini izhar qilishti. türkiye jumhuriyiti we rusiye fédératsiyesi teripidin 2018 – yili 17 – séntebirde sochida imzalanghan idlib jiddiychilikni azaytish rayonidiki weziyetning muqim haletke keltürülüshige munasiwetlik bayanatni qizghin qarshi aldi. éghir tipliq qorallarning we ashqun guruppilarning kélishimning rohigha asasen, berpa qilinghan qoraldin xaliylashturulghan rayondin chékinishi yolidiki ilgirileshke yuqiri baha bérishti.» dégen ibarilerge orun bérildi.

rehberler, térrorizmgha qarshi küreshni dawamlashturushning zörüriyitini tekitlep, kélishimde otturigha qoyulghan küchlük chare – tedbirlerning toluq ijra qilinishi we barliq tereplerning kélishimning körsetmilirige riaye qilishi arqiliq kapaletke ige qilinidighan üzül – késil urush toxtitishning muhimliqini eskertip ötti.

süriyede herqandaq bir terepning ximiyelik qoral ishlitishige qetiy qarshi ikenliklirini bildürgen töt rehber, pütkül tereplerni ximiyelik qorallarning yasilishi, ishlepchiqirilishi, zapaslinishi we ishlitishining cheklinishi shundaqla mewjutlirining yoqitip tashlinishigha alaqidar kélishimge toluq boysunushqa chaqirdi.

b d t ning qolayliq yaritip bérishi, süriyeliklerning bashlamchiliq we igidarchiliqida élip bérilidighan keng dairilik siyasiy musapini qollap – quwwetleydighanliqlirini bildürgen rehberler, süriyelik tereplerni bu musapige aktip awaz qoshushqa chaqirdi.

ortaq bayanatta yene, «b d t ning nazaretchiliki astida eng küchlük rewishtiki xelqaraliq ochuq – ashkara bolush pirinsipi we hésab bérish shertlirige uyghun halda, chet ellerdikilerdikilerningmu  bélet tashlash hoquqi bolghan, pütkül süriyelikler qatnishidighan erkin we adil saylam muhiti shekillendürüsh üchün, süriyede asasiy qanun islahati élip baridighan asasiy qanun komitétining jenwede qurulushi we shert – sharaitni nezerde tutqan asasta baldurraq heriket qilip mushu yilning axirighiche yighilishigha chaqiriq qilindi. siyasiy xizmetlerning dawamlashturulushigha we urush toxtitishning üzül – késillikige hesse qoshulushini kapaletke ige qilish üchün, ishenchni kücheytküchi tedbirlerning élishining ehmiyitini tekitlep ötti we munasiwetlik xizmet guruppisi teripidin b d t  bilen xelqara qizil kiris komitéti mutexessislirining ishtirak qilishi bilen xizmetler ishliniwatqan mejburiy görüge éliwélinghanlar / tutup kétilgenlerning qoyup bérilishi, jesetlirining tapshurup bérilishi we yoqap ketken kishilerning ornini éniqlash xizmetlirini qollaydighanliqlirini bayan qilip ötti.» dégen ibarilergimu orun bérildi.

yardem organlirigha suriye miqyasida téz, bixeter we üzlüksiz heriket qilish muhiti teyyarlap bérish bilen suriye xelqining azablirini yenggillitish üchün, éhtiyajliq bolghan barliq kishilerge téz insaniy yardem yetküzüp bérish lazimliqini tekitligen rehberler, bu dairide, süriyege qilinidighan yardemni ashurushliri üchün bashta b d t  we uninggha qarashliq yardem organliri bolup, barliq xelqara jemiyetke chaqiriq qildi.

türkiye, liwan we iyordaniye qatarliq musapirlargha sahibxanliq qiliwatqan döletler bilen hemkarlishidighanliqlirini tekitligen rehberler, musapirlarning süriyege bixeter shundaqla xelqara qanungha uyghun sharait astida ixtiyariy halda qaytishlirining muhimliqini xatirilitip ötti.

rehberler, musapirlarning we dölet ichide yurt – makanliridin mehrum qilinghanlar kishilerning süriyediki eslidiki makanlirigha bixeter we ixtiyari yosunda qaytishi üchün, kéreklik sharaitning pütkül dölet miqyasida yaritilishigha éhtiyaj barliqigha isharet qilip, qaytqanlarning qoralliq toqunush, siyasiy bésim yaki xalighanche tutqun qilinishtin muhapizet qilinishi we su, tok, sehiye, sehiye xizmetlirini öz ichige alghan insaniy üstürülmining teyyarlinishi lazimliqini tekitlidi.

töt rehber, b d t musapirlar aliy komissarliqi bilen xelqaradiki bashqa kespiy organlarni öz ichige alghan munasiwetlik barliq tereplerning özara mas heriket qilishigha éhtiyaj barliqi eskertti.

rehberler yene, süriyede tinchliq we muqimliq yaritishqa zörür bolghan shert – sharaitning berpa qilinishini, siyasiy chare tépishqa righbetlendürüshni we bu dairide xelqara hemkarliqni kücheytish kapaletke ige qilish yolida birlikte xizmet qilishqa wede qilishti.