türkiye iraqning yéngi hökümiti bilen hemkarliq ornitishqa teyyar ikenlikini bildürdi

türkiye awazi radiyosi xewiri: türkiye tashqi ishlar ministirliqi bayanatchisi hami aqsoy, türkiyening iraqning huzur, tinchliq we muqimliq ornitishi, qaytidin güllinishi mesililiride parlaméntning testiqidin ötken yéngi hökümet bilen hemkarlishishqa teyyar ikenlikini bildürdi.

iraqta yéngi hökümetning parlaméntning maqulluqidin ötüshige alaqidar türkiye tashqi ishlar ministirliqigha qaritilghan bir soalgha yazma jawap qayturghan aqoy, iraqta 12 – may küni ötküzülgen parlamént saylamliri netijiside hökümet teshkil qilishqa mesul qilinghan adil abdulmehdi teripidin qurulghan ichki kabénttiki 14 ministirning parlaméntning maqullushidin öüshidin kéyin wezipe öteshke bashlighan iraqning yéngi hökümitining dost we qérindash dölet iraq xelqi üchün xeyrlik bolushigha tilekdashliq bildürüp mundaq dédi: «yéngi hökümetning aldinqi yillarda nahayiti köp derd – elemlerni tartqan we qiyin ötkellerge duch kelgen iraq xelqining kütken yéridin chiqishini ümid qilimiz. bu dairide, iraq xelqining hemmige oxshash muamile qilidighan ijraatlirining iraqning siyasiy birliki we zémin pütünlükining qoghdilishida, hemde muqimliqning izchil saqlinishida muhim rol oynaydighanliqigha ishinimiz. iraq ministirlar kéngishining téxiche parlaméntning maqulluqidin ötmigen ezaliriningmu  bu angni chiqish qilghan halda éniqlap chiqilishigha tilekdashmiz. qisqis, türkiye iraqning huzur, tinchliq we muqimliq ornitishi, qaytidin güllinishi mesililiride parlaméntning testiqidin ötken yéngi hökümet bilen hemkarlishishqa teyyar.»