türkiye – iran – rusiye süriyede asasiy qanun komitéti mesiliside pütüshti

türkiye awazi radiyosi xewiri: rusiye tashqi ishlar ministirliqining bildürüshiche, türkiye, rusiye, we iran muawin tashqi ishlar ministirlirining, süriye kirizisige chare izdesh meqsitide tünügün  moskwada «astana munbiri» de bir yerge jem bolghanliqi, yighinda, süriye kirizisi muzakire qilinghanliqi  tekitlinip mundaq déyildi: «muawin tashqi ishlar ministirlirining uchrishishida, sochida chaqirilghan <süriye milliy diyalog yighini> da maqullanghan qararlargha asasen, süriyede asasiy qanun komitéti qurup chiqish paaliyetlirini ishqa kirishttürüsh we tézleshtürüsh mesiliside kéngesh élip bérildi. türkiye, rusiye we iran, barliq süriye xelqining menpeetlirini közde tutup, birleshken döletler teshkilati alahide wakaletxanisi bilen hemkarliship, süriyede asasiy qanun komitéti qurup chiqish paaliyetlirini tézleshtürüsh mesiliside birdeklik hasil qildi.»