mewlüt chawushoghlu qashiqji weqesi we amérika munasiwetliri üstide pikir bayan qildi

türkiye awazi radiyosi xewiri: tashqi ishlar ministiri mewlüt chawushoghlu anadolu agéntliqigha bergen bayanatida, küntertiptiki mesliler üstide toxtaldi. jemal qashiqji weqiside birleshken döletler teshkilati, xelqara organlar yaki mehkimiler tekshürüsh bashlashni xalisa, türkiyening hemkarlishidighanliqini tekitlep, «qashiqji jinayitige dair qolimizdiki pakitlarni héch bir dölet bilen ortaqlashmiduq. biraq istixbaratlar arisida muzakire qilishqa bolidu» dédi.

türkiye bilen amérika otturisidiki munasiwetler heqqidimu toxtalghan chawushoghlu, munasiwetlerning térrorluq teshkilatliri bilen chétishliqi bolghanliqi üchün qamaq jazasigha höküm qilinghan we tutup turulghan waqtini nezerge alghan halda qoyup bérilgen amérikiliq pop andréw birunson sewebidin emes, belki amérikining bölgünchi térorrluq teshkilati y p g/ p k k gha qilghan yardemliri we fethullahchi térrrluq teshkilatigha nisbeten himaye qilish pozitsiyede boluwatqanliqi yüzisidin yirikleshkenlikini éytti.

chawushoghlu mundaq dédi:

«türkiyede herbiy – siyasiy özgirish qozghashqa urunghan bir teshkilat katiwishining amérikada turushini bizning pikirlirimiz qetiy qobul qilalmaydu. amérikining emdiki qilishqa tégishlik ishi, konkért qedemlerni tashlashtur. fethullahchi térrorluq teshkilati heqqide fédératsiye tekshürüsh idarisi «FBI» tekshürsh bashlidi. amérika tashqi ishlar ministirliqi we fédératsiye tekshürüsh idarisi «FBI» din bir guruppa enqerege yétip keldi we biz barliq höjjetlerni ular bilen hembehirleshtuq»

müwlüt chawushoghlu rusiyeningmu y p g ning bir térrorluq teshkilati ikenliki körüp yetkenlikini bildürüp, «y p g/ p k k ning süriyede qurulidighan dölet asasiy qanuni komitétida orni bolmaydu. biz buninggha yol qoymaymiz» dédi.  qibris muzakiliri üstidimu toxtilip «héch kishi her qandaq bir utuqsizliqni qobul qilalmaydu, biz téximu qobul qilalmaymiz» dédi.